Makala
AGANO LA GIZA UNALORITHISHWA:
| Makala
AGANO LA GIZA UNALORITHISHWA:
Kwenye maisha kuna mazuio mengi sana yanayowekwa kwenye ulimwengu wa roho wa giza ili kumkwamisha mtu {wewe} asitimize kusudi la Mungu maishani mwake na pia asiishi sawasawa na Mungu alivyomuahidi kuishi.
Kati ya jambo linalowazuia wengi na wengi wao wamekuwa hawajui wala kulitambua jambo hili, ni vitu vya kurithi.
Chochote ambacho kinarithiwa kutoka kizazi kimoja kwenye kingine huwa kina uhalali mkubwa sana wa kuyatawala maisha ya huyo mtu aliyepewa kurithi…
Nikusaidie kitu hapa:
Biblia inasema kwenye kitabu cha Rum 8:16-17
Roho mwenyewe hushuhudia pamoja na roho zetu, ya kuwa sisi tu watoto wa Mungu; na kama tu watoto, basi, tu warithi; warithi wa Mungu, warithio pamoja na Kristo; naam, tukiteswa pamoja naye ili tupate na kutukuzwa pamoja naye.
Ukiangalia vizuri hili andiko utaona hatua kadhaa zinazolifanya agano la urithi liwe na mashiko na nguvu kwa huyo anayerithi.
Na pia angalia hili andiko katika kitabu cha Rum 4:13-25
Kwa maana ahadi ile ya kwamba atakuwa mrithi wa ulimwengu alipewa Ibrahimu na uzao wake, si kwa sheria bali kwa haki aliyohesabiwa kwa imani. Maana ikiwa wale wa sheria ndio warithi, imani imekuwa bure, na ahadi imebatilika. Kwa sababu sheria ndiyo ifanyayo hasira; maana pasipokuwapo sheria, hapana kosa. Kwa hiyo ilitoka katika imani, iwe kwa njia ya neema, ili kwamba ile ahadi iwe imara kwa wazao wote; si kwa wale wa torati tu, ila na kwa wale wa imani ya Ibrahimu; aliye baba yetu sisi sote; (kama ilivyoandikwa, Nimekuweka kuwa baba wa mataifa mengi); mbele zake yeye aliyemwamini, yaani Mungu, mwenye kuwahuisha wafu, ayatajaye yale yasiyokuwako kana kwamba yamekuwako. Naye aliamini kwa kutarajia yasiyoweza kutarajiwa, ili apate kuwa baba wa mataifa mengi, kama ilivyonenwa, Ndivyo utakavyokuwa uzao wako. Yeye asiyekuwa dhaifu wa imani, alifikiri hali ya mwili wake uliokuwa umekwisha kufa, (akiwa amekwisha kupata umri wa kama miaka mia), na hali ya kufa ya tumbo lake Sara. Lakini akiiona ahadi ya Mungu hakusita kwa kutokuamini, bali alitiwa nguvu kwa imani, akimtukuza Mungu; huku akijua hakika ya kuwa Mungu aweza kufanya yale aliyoahidi. Kwa hiyo ilihesabiwa kwake kuwa ni haki. Walakini haikuandikwa kwa ajili yake tu kwamba ilihesabiwa kwake; bali na kwa ajili yetu sisi mtakaohesabiwa vivyo hivyo, sisi tunaomwamini yeye aliyemfufua Yesu Bwana wetu katika wafu; ambaye alitolewa kwa ajili ya makosa yetu, na kufufuliwa ili mpate kuhesabiwa haki.
Vifungo au Agano la urithi huwa linakuja kubeba historia ya maisha yako,na kuibadili kabisa iwe sawasawa na agano hilo linavyotaka.
Mfano: sisi tuliookoka tumekuwa warithi wa agano la kufanikiwa kama ilivyokuwa kwa baba yetu wa imani,Ibrahimu. Na pia tu warithi warithio pamoja na Kristo ikiwa na maana kuwa tukishaingia katika wokovu tunaingizwa kwenye agano.
Sasa kama tu kwenye ulimwengu wa nuru unaona vile agano la urithi lilivyo serious, vipi kwenye ulimwengu wa giza??
Umeshawahi kuwaza ulimwengu wa giza ufunge agano la kurithi na wewe?? Umeshawahi kuwaza maisha yako yatakuwaje??
Ndio maana nasema agano la urithi lina nguvu kubwa sana juu ya maisha yako kiasi cha kukufanya wewe mwenyewe usiwe na maamuzi yeyote kuhusu wewe ila nguvu ya agano hilo la giza ndilo linasimamia kila kitu..
Naomba tukutane sehemu inayofuata nikuonyeshe maombo yaliyo ndani ya agano la kurithi ambalo limekamata historia ya maisha ya mrithi anayetakiwa kurithi ndani ya hilo agano.
Msaada wa kiroho kwa maombi na ushauri,usisite kuwasiliana nasi kupitia +255 758 708804
Madhabahu ya SIRI ZA BIBLIA
Maarifa ya ki-Mungu
Pastor Innocent Mashauri
SADAKA
